Жил бүрийн гуравдугаар сарын 15-ны өдрийг Хэрэглэгчийн эрхийг хамгаалах Олон улсын өдөр хэмээн зарласнаас хойш дэлхий нийтээр 31 дахь жилдээ энэ өдрийг тэмдэглэж байна. Монгол улсын Засгийн газраас 2016 оныг “Хэрэглэгчийн жил” болгон зарласан бөгөөд хэрэглэгчийн эрхийг хамгаалах өдрийг тохиолдуулан Чингисийн талбайд иргэдэд мэдээлэл, сурталчилгаа хүргэх нээлттэй өдөрлөгийг зохион байгууллаа.  Өдөрлөгт Нийгмийн даатгалын ерөнхий газар болон төвийн зургаан дүүргийн нийгмийн даатгалын хэлтсийн 16 байцаагч ажилтан оролцож нийгмийн даатгалын тухай хууль тогтоомжийн хэрэгжилтийг танилцуулж, зөвлөгөө мэдээлэл өгч ажиллав.